کاتی پەرەدان بە کۆلێژی ژنۆلۆژییە

لە نێو جەرگەی رۆژئاڤای شۆرشی ژن پەرە بە ژنۆلۆژی دەدەین. زانستی کۆمەڵایەتی بە ژنۆلۆژی جێکەوتە دەکەین.  لە رۆژئاڤا-باکوری سوریا دا لە بونیادی زانکۆی رۆژئاڤا دا کۆلیژی ژنۆلۆژی دەکەینەوە. لە رۆژئاڤا-باکوری سوریا دا هاوکاتی شەڕی رزگاری و بەرخودانی ئازادی گەلان هەوڵ دەدەین لە ئاستی زانستیش دا بەرخودان و ئیرادەمان بەهێز دەکەین. هەوڵ دەدەین کە لەسەر رەگ و ریشەی خۆی و بە زانستی ژنۆلۆژی بەهاکانی شٶرش دەچەسپێنین. ئەوەش خۆی لە خۆی دا دەبێتە پاراستنی جەوهەری کۆمەڵگە. دەبێتە هەناسەیەکی قوڵی زانستی بۆ کۆمەڵگە.
ئەو هەناسە قوڵە زانستیە نوێیە راستیە کۆمەلایەتی –مێژووییەکان زەق دەکاتەوە و پەیوەست بە کەلتوری دایکەوە راوەستە لەسەر هاوژیانی ئازاد دەکات. زانستێکی کە لە تەوەرەی ژن دا گەشە بکات دەبێتە راستی کۆمەلگەی رۆژهەڵاتی ناوین. مێژوو-ژیان- کۆمەڵگە بە زانستی ژن شێوەی گرت و  بە بەرهەمی ژن پەرەی سەند. ئەو راستیەی ژیانی ژن لە پەیوەندی سروشتی ژن- سروشت، کۆمەڵگە-سروشتی گەردوون دا شاراوەیە. ئەو سروشتانە روبەرووی هێرش و داگیرکاری گەورە بونەتەوە. ئەو ئەقلیەتە هێرشکار و لەناوبەرە بەردەوامە. لەبەرامبەر ئەوەش تێکۆشان مەگەر بە رێبازی زانستی ژنۆلۆژی بەرێوەببرێت. سیستەمێکی ژیانی ژن-کۆمەڵگە پێویستە کە لەسەر ریشەی خۆی بونیاد بنرێتەوە و بە ژنۆلۆژی لە هەموو بوارەکانی ژیانی کۆمەڵگەدا پێش بخرێت. هەموو بوارەکانی ژیان و رەنجی ژن دەبێتە سەرچاوەی پێشخستنی زانستی ژن. ئیدی گوڕدان بە پێشخستنی مەعریفەی باش و جوان لە چوارچێوەی ئەتیک-ئەستاتیک و بواری هاوژیانی ئازادا بۆ ئێمە ژیانییە. لەبەرئەوەی کە هاوژیانی ئازاد یەکەمین بوارە کە دەبێ بە زانستیانە مامەڵەی لەگەڵ بکرێت. هەوڵ دەدەین لە پێناوی هاوژیانی راست، باش و جوان ئەو کارەی خۆمان سەرخەین. هەر پەیوەست بە کەلتوری ژنەوە، ئابوری ئەکۆلۆژی، زانست بە وشیاری دانیشتوانناسی و تەندروستی پەرەپێدەدەین. ئامانجمانە کۆمەڵگە بە زانستی مێژوویی- کۆمەڵایەتی، ئەخلاقیانە خۆبەڕیوەببات. کۆمەڵگەیەکی خاوەن ئیرادەی سیاسی دەبێتە بناغەی زانستی ژنۆلۆژی.  کۆمەڵگەیەکی نادەوڵەتی بەڵام فرەنەتەوەیی کە دەبێتە بناغەی نەتەوەی دیموکراتی و ژنۆلۆژیش دەبێتە زانستی نەتەوەیی دیموکراتی. فاکولتی یان کۆلێژ یان خوێندنگەکەمان بەو ئامانجە دەست بە کاردەبێت کە پەیوەست بە ئازادی ژنەوە گۆڕانکاری و وەرچەرخان بەرەو کۆمەڵگەی ئەخلاقی-سیاسی پێک بێنێت. ئەو خەباتە بە پێشئامادەکاری خوێندنی بالای ئاکادیمیی مامۆستایان دەست پێدەکات.
هەر ژنێکی کە بەکالۆری یان ئامادەیی تەواو کردبێت، دەکرێت بەسەرکردنەوە بکات. لە هەمان کات دا ئەو ژنانەی خوێندن و نوسین دەزانن و دەرفەتی خوێندنیان نەبووە و وەلامدەرەوەی داخوازییەکانی ئازادی و یەکسانی کۆمەڵگەن، پەیوەستن بە بەهاکانی ئازادی ژن و کۆمەڵگەوە، خاوەن باوەڕین و ئارەزووی خۆپێشخستنیان هەیە، ئەوانەی لێکۆڵینەوە دەکەن، دەخوێننەوە، راوێژ دەکەن و پەرۆشی پەرەدانن بە زانست دەتوانن بەسەرکردنەوە بکەن. ئەو ژنانەی لە بواری ئابوری، رۆشەنبیری، هونەری، تەندروستی، سیاسی، مێژووی خۆیان دا دەیانەوێ قاڵ ببنەوە، پەرە بە توانستیان بدەن و کۆمەڵگەکەیان بەهێز بکەن دەتوانن بەسەرکردنەوە بکەن. هیوادارین کە هەموو ژنێک بلێ بۆ پاراستنی مێژووەکەم، کەلتورەکەم، هەبوون، ئازادی و بەهاکانی خۆم هەم، بەسەرکردنەوە بۆ کۆلێژی ژنۆلۆژی بکات و مافی خوێندن وەرگرێت. بە ژنۆلۆژی خۆ دەگەیەنینە ئاستی سیستەمی ئازادیخوازی کۆمەڵایەتی و سیستەمێكی دادوەر، خۆ دەگەنینە ئاستی ناوەندەکانی لێکۆڵینەوە و پەرەدان بە ئەتیمۆلۆژی ژنانە.
جێی بەسەرکردنەوە : زانکۆی رۆژئاڤا –دەستەی بەرێوەبەری ژنۆلۆژی
مێژووی بەسەرکردنەوە: لە ٦ ی ئەیلول بە دواوە
سڵاو و رێزی لیژنەی ئامادەکاری کۆلێژی ژنۆلۆژی- رۆژئاڤا
بەرنامەی دوو ساڵی خوێندن لە کۆلێژی ژنۆلۆژی – زانکۆی رۆژئاڤا
ناوی کۆلێژ – فاکولتی : کۆلێژی ژنۆلۆژی
ئامانجی کۆلێژ:  لە باکوری سوریا-رۆژئاڤا لەسەر بنەمای ئازادی ژن، پەرەدان بە زانستی کۆمەلایەتی ژنۆلۆژی دەبێتە بناغەی وەرچەرخان و گۆڕانکاری کۆمەڵگە. بۆ ئەوەی لێکۆڵینەوە لە مێژووی ژن لە رۆژهەڵاتی ناوین بکرێت، بۆ ئەوەی سیستەمی ئابوری هەرەوەزی – کۆمینال لەسەر بنەمای رەنجی ژن گەشە بکات، بۆ ئەوەی کە بە دیدی ژن پلانسازی بۆ سیاسەتی دانیشتوان بکرێت، بۆ ئەوەی کە بەدیدی ژن سیاسەت بکرێت، لەسەر بنەمای هاوپەیمانی کۆمەڵایەتی ژن سیستەمی دادوەری داڕژرێت، بوارەکانی هونەر، وێژە، فەلسەفە لە زۆر بواری دیکەدا و بە هەلوێستی ئەتیک-ئەستاتیک لە ئاست ئازادی، دیموکراسی، کەلتوری و ئەکۆلۆژیی دا،  لێکۆڵینەوەی ئاکادیمیانەی لەسەر دەکرێت.
ماوەی  خوێندن : دوو ساڵ
ماوەی فێربوون : دوو ساڵ پەروەردە ( شەش قۆناغ)
پرۆگرامی پەروەردەی فاکلتەی ژنۆلۆژی
قۆناغی یەکەم :
چوارچێوەی چەمک و تیۆرییەکان (٢)
کەلتور، زمان، شارستانی، دەسەڵاتداری-بەرێوەبەری، پۆلەتیکا-سیاسەت، ئەخلاق، حقوق، دیموکراسی، ئابوری، ئاسیملاسیۆن، قڕکردن، ئەدەبیاتی ژن ( باوکسالاری، زایەندگەرێتی، زایەندێتی، زایەند، توندوتیژی، دەستدرێژی….)
دەروازەیەک بۆ ژنۆلۆژی (٤)
– زاراوەی ژنۆلۆژی
آ) ژن، ژیان، ئەبستمۆلۆژی زاراوەکانی سروشت، ناساندنی ژنۆلۆژی وەک زانستی ژیان و هاوژیانی
ب) زانست، رۆڵی زانست لە واتای هەبوونی ژیان، چەمکەکانی زانست-پارادایم-ئایدۆلۆژی
– دەستنیشانکردنی پێویستیەکانی ژنۆلۆژی
آ ) گەیشتن بە نهێنیەکانی واتای ژیان
ب) تێکۆشان لە دژی زانستی زایەندگەر

مێژووی ئازادی ژن
– ناسینی نەریتی بەرخودانی ژن
– کۆمەڵگەکانی ژن، کەسایەتیە میتۆلۆژییەکان، شاژنەکان، پێگەی ژن لە ئایینەکان دا
–  شۆرشی فەرەنسا، کۆمۆنەی پاریس، ژنان لە شۆرشەکانی کۆبا، روسیا و چین، بزوتنەکانی ژنان لە ئەمەریکای لاتین
– سوفراژیت
– بزوتنەوە فێمینیستەکان

مێژوو (٢)
– چۆنێتی مامەڵە لەگەل مێژوو، کۆمەڵگەی مێژوویی-شارستانی دیموکراتی
– شارستانی ناوەندی
سۆسیۆلۆژیای ئازادی (٢)
زایەندگەری کۆمەڵایەتی (٢)
– پێناسەکردنی زایەندگەرێتی کۆمەڵایەتی
– شکاندنەوەی یەکەم و دووەمی ژێندەری
– شیکردنەوەی زایەندگەرێتی وەک ئایدۆلۆژییەکی دەسەڵاتداری
ڕیباز-حەقیقەت لەسەر راستی ژن و سروشتی ژن (٤)
– پێناسەی ژن لە میتۆلۆژی، ئایین، زانست، فەلسەفە دا، کوانتەم
ئەتیک-ئەستاتیک (٢)
وانەی زمانی کوردی (٢)
هونەر-تەکنیکی لێکۆڵینەوە (٢)
پەروەردەی کۆمپیوتەر (٢)

بەگشتی : ٢٦ سەعات

قۆناغی دووەم:
چوارچێوەی چەمک و تیۆرییەکان (٢)
١- دەسەڵاتداری هەژمۆنی ناوەندی
٢- دەسەڵاتداری و بەرێوەبەری دیموکراتیی
٣-نەتەوەی دیموکراتی
٤-سۆسیالیزم و سەرمایەداری
٥- هاوژیانی ئازاد

دەروازەیەک بۆ ژنۆلۆژی (٤)
– ژنۆلۆژی وەک زانستی هاوژیانی ئازاد
– ژنۆلۆژی وەک زانستێکی کۆمەڵایەتی کە پێویستیەکی شۆرشی ژنە
مێژووی ئازادی ژن (٢)
– بزوتنەوەکانی ژن لە رۆژهەڵاتی ناوین
– ژنان لە مێژووی کوردستان دا
سۆسیۆلۆژیای ئازادی (٢)
مێژوو (٢)
– شارستانی سەرمایەداری
زایەندگەرێتی کۆمەڵایەتی
– هەرزەکاری، هاوسەرگیری، خێزان
– سیاسەتەکانی سەر جەستە
– زایەندێتی
ڕیباز-حەقیقەت لەسەر راستی ژن و سروشتی ژن (٤)
پێناسەی ژن لە میتۆلۆژی، ئایین، زانست، فەلسەفە دا، کوانتەم
پەروەردەی کوردی (٢)
ئابوری (٢)
ئەتیک-ئەستاتیک (٢)
دیمۆگرافیا (٢)
پەروەردەی زمانی کوردی (٢)
شێواز و رەوانبێژی (٢)

بەگشتی : ٢٨ سەعات
قۆناغی یەکەم :
ڕیباز-حەقیقەت لەسەر راستی ژن و سروشتی ژن (٢)
ئازادکردنی زایەندگەرێتی کۆمەڵایەتی
– ئەنجامدانی سێیەمین شکاندنەوەی ژێندەری لە بەرامبەر پیاو
پۆلەتیکا- سیاسەت (٢)
ئابوری (٢)
ئەتیک-ئەستاتیک (٢)
دیمۆگرافیا-دانیشتوانناسی  (٢)
پەروەردە (٢)
تەندروستی (٢)
ئەکۆلۆژی (٢)
سۆسیۆلۆژیای ئازادی (٢)
پەیوەندی – میدیا (نوسینی وتار، ئامادەکردنی تێز، دۆسیە، لێکۆڵینەوە، رەکلام، دەق) (٢)
مێژوو (٢)

– مێژووی رۆژهەڵاتی ناوین
مێژووی ئازادی ژن (٤)
مێژووی بزوتنەوەی ئازادی ژن لە کوردستان

بە گشتی : ٢٨ سەعات

قۆناغی دووەم :
– پرۆژەی وەرچەرخانی پیاو (٢)
– ئایدۆلۆژی رزگاری ژن (٢)
– زاراوەی فێمینست (٢)
– سۆسیۆلۆژیای ئایین ( ڕێنمایی ئازادی ژن لە ئایینەکان دا) (٤)
– سۆسیۆلۆژیای ئەشق (٢)
– رێبازەکانی لێکۆڵینەوە (٢)
– پەروەردەناسی (٢)
– دەرووناسی (٢)
– شوێنەوارناسی (ئەرکۆلۆژی) (٢)
– ئەتیمۆلۆژی ( هەبوونناسی) (٢)
– تەکنیکی پزیشکی سروشتی ( دروستکردنی دەرمانی سروشتی و ڕێبازەکانی چارەسەری) (٤)

بە گشتی : ٢٦ سەعات

قۆناغی سێیەم
– شۆرشی ژن – ئەزمونەکانی رۆژئاڤا (٤)
– هاوپەیمانی کۆمەڵایەتی ژن، دادی کۆمەڵایەتی لەسەر بنەمای ژن (٤)
– ئابوری کۆمیناڵ لەسەر بنەمای ژن، کۆپەراتیڤ-کۆمەڵەی هەروەرزی، کۆمینەکانی ژنان (٢)
– تەکنیک و رێکخستنەکانی خۆپاراستنی ژن (٤)
– بونیادنانی بوارەکانی ژیانی ژن ( شارەکانی ژنان، گوندە مێژوویی و رۆژانەییەکان) (٤)
– دیبلۆماسی ژن (٢)
– هاوسەرۆکایەتی –  هاونوێنەریی (٢)
– هونەری ژن لە کەلتوری رۆژهەڵاتی ناوین دا (٢)

بەگشتی : ٢٦ سەعات

قۆناغی چوارەم :  تاقیکردنەوەی مەیدانی

زانکۆی رۆژئاڤا –دەستەی بەرێوەبەری ژنۆلۆژی

Schreibe einen Kommentar